ಕಣ್ಣ್ ದ ನೋಟೊಗಾತೆ
ಮಂಜಾದ್ ಕರಗಿಯೇ
ಪಿಳಿ ಪಿಳಿ ರೆಪ್ಪೆ ಅಲ್ ಗಿ
ಚಟಪಟೊಗು ಮಾಜಿಯೆ..!!೧!!
ಕೆಂಪುದ ಬಿಮ್ಮೊಗಾತೆ
ಕೆಂಪಾದ್ ಬೆರಗಿಯೇ
ಪಳ ಪಳ ಕೂಲಿ ದಕ್ಕಿ
ಮಿಂಚಿಡೇ ಮಿಂಚಿಯೆ..!!೨!!
ತೆಲಿಪುನ ಕೆಪ್ಪೆಗಾತೆ
ಬಾಡ್ ದ್ ಮುದುಡಿಯೇ
ರಾಪಿನ ಕುಜಲ್ ಕುಸಲ್
ಎಸಳಾದ್ ಅರಳಿಯೆ..!!೩!!
ನೇಲುನ ಜಡೆಕಾತೆ
ಜಡವಾದ್ ಉಂತಿಯೇ
ಮಾಲುನ ಸೊಂಟ ಸೊಬಗ್
ದಂಗಾದ್ ದಂಗಿಯೆ.!!೪!!
ತೆವಳುನ ನಡೆಕಾತೆ
ತೆಳುವಾದ್ ತಮೆಲಿಯೆ
ಮುದವಾಯಿ ಹೆಜ್ಜೆ ಗೆಜ್ಜೆ
ಗಾನೊಗು ಗಿದಿರಿಯೆ..!!೫!!
ದೇವತೆ ನಿಕ್ಕಾತೆ
ತಿಗಲೆಡ್ ದೇವಸ್ಥಾನ ಕಟ್ಟಿಯೆ(ಎದೆಟ್ಟ್)
ಗುಣ ತೆರಿಯೆ ಮನ ಬರೆಯೆ
ಮೋಕೆಗ್ ಬೂರಿಯೆ..!!೬!!
ಸೊಲ್ಮೆ
No comments:
Post a Comment